Khit Thit သတင်းဌာန၏ ဒီဇင်ဘာ ၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၁ ရက်နေ့ မနက်ပိုင်းတင်ဆက်ပေးမယ့်သတင်းတွေကတော့ -အကြမ်းဖက်စစ်တပ်ခေါင်းဆောင် မင်းအောင်လှိုင်ဟာ DSAစစ်တက္ကသိုလ်အပတ်စဉ် ၆၄ သင်တန်း ဆင်းပွဲတက်ဖို့အတွက် ဒီကနေ့မှာ ပြင်ဦးလွင်ကို ရောက်ရှိမှာဖြစ်တယ်လို့ စစ်ဘက်သတင်း ရင်းမြစ် တွေဆီက သိရပါတယ်။ - ရန်ကုန်တိုင်း၊ မရမ်ကုန်းမြို့နယ် ၁ ရပ်ကွက်အတွင်း အိမ်ခြေ ၁၂၀ ကျော်ကို ကျူးကျော်လို့ဆိုပြီး စစ်တပ်က အင်အားအလုံးအရင်းနဲ့ ဝင်ရောက်စီးနင်းကာ ဘူဒိုဇာနဲ့ ဖျက်ဆီးခဲ့တယ်လို့ ဒေသခံပြည်သူတွေက ပြောပါတယ်။ - တရုတ်-မြန်မာ နယ်စပ် ချင်းရွှေဟော်ဒေသ နမ့်ဖာတောင်မှာ MNDAA တပ်ဖွဲ့နဲ့ အကြမ်းဖက်စစ်ကောင်စီ တပ်ဖွဲ့တို့ တိုက်ပွဲ ဖြစ်ပွားနေတယ်လို့ ကိုးကန့်သတင်းတွေမှာ ဖော်ပြထားပါတယ်။ - ကယားပြည်နယ်၊ ဖရူဆိုမြို့မှာ KNDF၊ PDF ပူးပေါင်းတပ်နဲ့ အကြမ်းဖက်စစ်တပ်တို့ တိုက်ပွဲဖြစ်ပွားပြီး စစ်သား ၁ ဦး သေဆုံးခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
